❤️

❤️

الخميس، 8 يناير، 2015

انكسسار لم يُسمع له دوي 💔

كل حد فينا مر بقصص في حيـاته ، مهما اختلفت الحكاية و الرواية من شخص لآخر 
الأكيييد طبعاً انو اتعلمنا منها ، واخدنا منها درس زي كتير من دروس الحياة .. 
بسس اصعب شي انو تنكسر ، و كسر كبير ، وما حد يحس فيك .. 
و الأصعب من كده ان ما تقدر تبوح و تقول الجواك .. 
عارفين ليه ما بنبوح ؟ لانو عارفين الرد هيكون ، معليش حصل خير 
انا عارفه انو الحصل خير بس ما ده الرد البكون منتظراه ! 
بحس بعدو بخييييبة أمل ، بحس انو القدامي ما حاسس بالأنا حاساهو ! 
يمكن يكون بيسلك ليّ ؟ 
بيخليني اننننندم اني اتكلمتا ، و بحس بعدها بمعنى الشكوى لغير الله مذله 
نحنا قاعدين نتلقى صفعات كتيرة من كل الحوالينا :( 
انا كل الحواليني بحس بيدوني طاقة سلبية ، عشان كده بحب انعزل عن الناس . 
عشان كده انا بيتوتية و ما بحب اطلع بره .. 
بخاف اشوف جانب ف ناس عزيزين عليّ ، كنتا مفكراهو حلو يطلع شيييين
 .. 
انا ما بقول اني ملاك ! 
لا انا بشر و بغلط و بتعلم و بفرح و بزعل ، بس بإختصار الجو الحواليني لا يروق لي .. 
ما بعرف اذا انا شحصية مثاليه ولا لا .. 
ما بعرف اذا الحواليني صح او لا !! 
البعرفوا انو جوايا شي انكسر و ما هيتصلح ابداً

----
س : انا ليه فتحتا مدونه ؟ 
ج : لانو انا ما بعرف اطلّع الجوايا لانسان فإني اكتب و اتكلم مع نفسي او ناس ما بيعرفوني فكره مريييييحه ، الحمدلله .. 

-- 
سبحانك اللهم و بحمدك لا اله انت ، استغفرك و اتوب اليك ❤️

Dr.Sana

                                                           " بسم الله الرحمن الرحيم . . . .
أنـا : سناء الحسـن ❤️
مواليد : ١٩٩٧/٩/٣٠ .. <~ يعني عمري ١٧ ✌️
هواياتي : القراءة ، و القراءة و القراءة .. و شو كمان !! ممممم كمان القراءة .. 

*نبذه عني : 

... حالياً ثانوية عامه باقيلي ٦ شهور و اتخرج ان شاء الله ، عندي طموحات كبيييييرة ، ما اؤمن انو في شي انا اطمحله ما اقدر احققه ، ان شاء الله بيجي يوم و اكون شي جدااااً كبييير و برفع راس امي و ابوي ✌️.. صح انو عمري ١٧ بس من لما كان عمري ٧ سنوات و كل الناس بيقولو لي عقلك اكبر من سنك بمراااحل ، ما تغريني تفاهات الحياة ، لانو انا متأكدة انها مش سعاده ، السعاده هيه انك تكون قريب من رب العالمين و عدا ذلك اسمها متع ، و المتع تزول و السعاده بجوار رب العالمين باقيه .. 

* اهدافـي : 
١- اكون دكتورة ناجحه ان شاء الله ، عاوزة اسوي مستشفى للمحتاجين
٢- عاوزة اكون قدوة للمرأه العربية المسلمه ..
٣- اسوي كتاب و ينجح و ينفع الناس .. 
٤- يكون عندي برامج تلفزيونية نافعه .. 
٥- اكون ام ناجحه .. 

# أتكـلم شوية عني :$ .. 

" في ناس بتشوفني متكبره و في ناس بتشوفني نفسية و في ناس بتشوفني مسكينه و على نياتي و في ناس بتشوفني ينخاف مني وووو ... الخ ،، و الصراحه ابداً ما بيهمني هم شنو بيشوفوني لانو هم نفسهم ما عارفين انا بشوفهم شنو ! .. 
 

Be close to me I have a lot to say ;)